Аймгуудын дэргэдэх "ХУРДАН" клубуудын сурагч гишүүдэд сургалт зохион байгуулав

“Кибер халдлага, зөрчилтэй тэмцэх нийтийн төв” УТҮГ нь “Мэдээлэл холбооны сүлжээ" ХХК-ийн хүсэлтийн дагуу тус компанийн ажилтан, албан хаагчдын ерөнхий боловсролын сургуулийн ахлах ангийн хүүхдүүдэд зориулсан “Кибер аюулгүй байдлын мэргэжлийг сурталчлах, ур чадвар олгох, алгоритм, пайтон программчлалын ойлголт өгөх сургалт”-г зохион байгуулсан. 

Сургалтыг 2 өдөр 16 цаг зохион байгуулж нийт давхардсан тоогоор 33 сурагчид хамрагдсан. 

Мөн Нийтийн төвөөс Төрийн цахим үйлчилгээний зохицуулалтын газартай хамтран Өмнөговь, Дархан-Уул, Дорноговь болон Булган аймгийн Засаг даргын Тамгын Газрын дэргэдэх “ХУРДАН” клубийн 125 сурагч гишүүдэд 2025 оны 01 дүгээр сарын 24-ний өдөр, 02 дугаар сарын 6 болон 21-ний өдрүүдэд кибер аюулгүй байдлын мэргэжил сурталчлах 1 цагийн сургалтыг зохион байгуулсан. Сурагчдад Нийтийн төвийн үйл ажиллагааг танилцуулан, зөвлөгөө мэдээлэл солилцов.