2024 онд нийт 25000 орчим иргэдийг сургалтанд хамруулсан байна.

“Кибер халдлага, зөрчилтэй тэмцэх нийтийн төв” УТҮГ нь олон нийтийг соён гэгээрүүлэх ажлын хүрээнд иргэд, олон нийт болон албан байгууллагын нийт ажилтан, албан хаагчдын кибер аюулгүй байдлын мэдлэг ойлголтыг дээшлүүлэх, кибер халдлагын бэлэн байдлыг турших ажлыг удаа дараа зохион байгуулж, 2024 оны байдлаар нийт 25000 орчим иргэнийг сургалтад хамруулж ажилласан байна. 

Тус Нийтийн төвөөс 2025 оны 01 дүгээр сарын 14, 23, 24, 27 нийт 4 өдөр “Байгууллагын мэдээллийн аюулгүй байдлыг хамгаалах” сургалтыг үнэ төлбөргүй зохион байгуулж албан хаагчдын халдлагын бэлэн байдлыг шалгах туршилтыг хийсэн юм. 

Төр, хувийн хэвшлийн байгууллагуудаас ирсэн хүсэлтийн дагуу сургалт зохион байгуулж нийт 214 албан хаагчид кибер аюулгүй байдлын талаар сургалтад хамрагдаж,  667 албан хаагчдын кибер халдлагын бэлэн байдлыг шалгаж, зөвлөгөө мэдээлэл өгч ажиллалаа.